لما شوفت واحد فرمل فجأة في وسط الشارع
فكرت قبل ما تقول عليه غشيم ومبيفهمش انه ممكن يكون ظهر قدامه فجأة قطة صغيرة ؟
قبل ما تحكم على واحد كل مشاركاته على النت مجرد تهييس انه شخص تافه
فكرت ان ممكن يكون الوقت الوحيد اللي بيضحك فيه ف يومه كله هو الوقت ده ؟
قبل ما تبقى حلقة في سلسلة نقل خبر سئ عن شخص تعرفه أو متعرفوش
فكرت انه ممكن يكون مجرد إشاعة من تأليف وإخراج شخص هوايته أذية الناس ؟
لما شوفت واحد متهم في قضية لم تثبت ادانته بعد ،أو كبش فدا لخبر مطرقع في جرنال
فكرت قبل ما تغلط فيه أو تدعي عليه انك ممكن تكون مكانه .. وتكون برئ !!!
قبل ما تبقى فكرتك عن ناس ان تصرفاتهم مجرد فزلكة أو منظرة على خلق الله
فكرت ان ممكن يكونوا هما اصلا كده .. هي دي حياتهم .. هي دي اهتمامتهم
قبل ما تحكم على شخص بإنه سئ من موقف حكهولك حد عليه وحصل بينهم
فكرت تسمع منه هو كمان ؟
قبل ما تحكم على حد إنه بعيد عن ربنا
فكرت تسأل نفسك هو مين أصلا اللي يقدر يعرف حقيقة علاقتك انت بربنا ؟!
طب فكرت ف يوم تقول لنفسك " ماتخليك ف حالك ياأخي "
فكرت تقدم حسن الظن الأول بس بجد .. مش بالكلام
فكرت تدع الخلق للخالق زي ما بنقول علطول كدة
فكرت تشغل نفسك بعيوبك قبل ما تعيّن نفسك حَكم على الناس
.. زي ما بنقول علطول بردو
للأسف كتير بنقول بس
على فكرة !!!
يمكن هيتقال عليك ساذج
ومش بعيد تلاقي حد بيضحك عليك و يقولك
" ياخبر أبيض..دةه انت على نياتك أوي يابني "
بس الأكيد إنك مش هتحس بتأنيب الضمير يوم ما تعرف إنك قلت كلمة لم تلق لها بالا وظلمت بها إنسان
الأكيد إنك لما تقرأ في سورة الحجرات
(( يَا أَيُّهَا الَّذِينَ آمَنُوا
إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْمًا
بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ ))
و
(( يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ ))
هتحس إنك مرتاح .. وإن دة الطبيعي والمفروض
***
لو مكنتش فكرت ف كل دة قبل كدة
من فضلك .. جرب تفكر !!
فكرت قبل ما تقول عليه غشيم ومبيفهمش انه ممكن يكون ظهر قدامه فجأة قطة صغيرة ؟
قبل ما تحكم على واحد كل مشاركاته على النت مجرد تهييس انه شخص تافه
فكرت ان ممكن يكون الوقت الوحيد اللي بيضحك فيه ف يومه كله هو الوقت ده ؟
قبل ما تبقى حلقة في سلسلة نقل خبر سئ عن شخص تعرفه أو متعرفوش
فكرت انه ممكن يكون مجرد إشاعة من تأليف وإخراج شخص هوايته أذية الناس ؟
لما شوفت واحد متهم في قضية لم تثبت ادانته بعد ،أو كبش فدا لخبر مطرقع في جرنال
فكرت قبل ما تغلط فيه أو تدعي عليه انك ممكن تكون مكانه .. وتكون برئ !!!
قبل ما تبقى فكرتك عن ناس ان تصرفاتهم مجرد فزلكة أو منظرة على خلق الله
فكرت ان ممكن يكونوا هما اصلا كده .. هي دي حياتهم .. هي دي اهتمامتهم
قبل ما تحكم على شخص بإنه سئ من موقف حكهولك حد عليه وحصل بينهم
فكرت تسمع منه هو كمان ؟
قبل ما تحكم على حد إنه بعيد عن ربنا
فكرت تسأل نفسك هو مين أصلا اللي يقدر يعرف حقيقة علاقتك انت بربنا ؟!
طب فكرت ف يوم تقول لنفسك " ماتخليك ف حالك ياأخي "
فكرت تقدم حسن الظن الأول بس بجد .. مش بالكلام
فكرت تدع الخلق للخالق زي ما بنقول علطول كدة
فكرت تشغل نفسك بعيوبك قبل ما تعيّن نفسك حَكم على الناس
.. زي ما بنقول علطول بردو
للأسف كتير بنقول بس
على فكرة !!!
يمكن هيتقال عليك ساذج
ومش بعيد تلاقي حد بيضحك عليك و يقولك
" ياخبر أبيض..دةه انت على نياتك أوي يابني "
بس الأكيد إنك مش هتحس بتأنيب الضمير يوم ما تعرف إنك قلت كلمة لم تلق لها بالا وظلمت بها إنسان
الأكيد إنك لما تقرأ في سورة الحجرات
(( يَا أَيُّهَا الَّذِينَ آمَنُوا
إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْمًا
بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ ))
و
(( يَا أَيُّهَا الَّذِينَ آمَنُوا اجْتَنِبُوا كَثِيرًا مِّنَ الظَّنِّ إِنَّ بَعْضَ الظَّنِّ إِثْمٌ ))
هتحس إنك مرتاح .. وإن دة الطبيعي والمفروض
***
لو مكنتش فكرت ف كل دة قبل كدة
من فضلك .. جرب تفكر !!
